Olaf Gulbransson

Olaf Gulbransson
	;
Biografía
Nacemento	(no) Olaf Leonhard Gulbransson ; 26 de maio de 1873 ; Christiania, Noruega (pt)
Morte	18 de setembro de 1958 (85 anos); Tegernsee, Alemaña (pt)
Educación	Academia Colarossi (pt) ; Norwegian National Academy of Craft and Art Industry (en)
Actividade
Lugar de traballo	Múnic
Ocupación	caricaturista, profesor universitario, artista gráfico, pintor, ilustrador, debuxante de banda deseñada
Empregador	Academia de Belas Artes de Múnic
Membro de	Academia Bávara de Belas Artes
Familia
Cónxuxe	Grete Gulbransson (1906–1923)
Fillos	Olaf Andreas Gulbransson
Premios
	(1958) Joseph E. Drexel award (en) ; (1943) Medalha Goethe de Arte e Ciência (pt) ;
Descrito pola fonte	Obálky knih,

Olaf Gulbransson nado en Oslo o 26 de maio de 1873 e finado en Tegernsee, Alemaña, o 18 de setembro de 1958, foi un artista, pintor e debuxante noruegués. É coñecido sobre todo polas súas caricaturas e ilustracións.

Traxectoria

A partir de 1890 traballou en moitas revistas noruegas, como Pluk, Paletten ou Sfinx. En 1902 trasladouse a Alemaña para traballar na revista satírica Simplicissimus despois de que o editor Albert Langen estivera en contacto co autor Bjørnstjerne Bjørnson buscando talento noruegués. En 1929 converteuse en profesor da academia de arte de Múnic. En 1921 Castelao viaxa a Alemaña e coñece a súa obra na Simplicissimus. Segundo Siro, Forain e Gulbranson foron dous dos autores que máis influíron no artista galego, o primeiro polos seus textos nos pés de páxina e o segundo pola liña.^[1] Valentín Paz-Andrade negou varias veces esa influencia.

En 1933 a Academia de Arte de Berlín organizou unha exposición especial para celebrar o 60 aniversario de Gulbransson. O partido nazi pechou a exposición despois de só dous días. A pesar diso, os editores de Simplicissimus, Franz Schoenberner e T. T. Heine sinalaron que Gulbransson cooperou activamente cos nazis a partir de 1933 até o final da II guerra mundial ao facer obras satíricas contra os aliados, e Klaus Mann sinalou que iso lle doera especialmente.

As historietas de Gulbransson contiñan unha liña precisa, e rexeitaba a arte de retrato no estilo decorativo da época. Foi coñecido como un dos máis destacados caricaturistas noruegueses. Casou tres veces, a última coa sobriña de Bjørnstjerne Bjørnson, Dagny Bjørnson. Ao final da súa vida recibiu a medallla Goethe. Hoxe en día un premio de humoristas gráficos en Alemaña leva o seu nome.^[2]

En 2004 os artistas Lars Fiske e Steffen Kverneland publicaron o libro Olaf G., un álbum retrospectivo sobre Gulbransson.

Galería

Museo en Tegernsee
Álbum Olaf G., de Lars Fiske e Steffen Kverneland

Notas

↑ L., Siro (1979). Simplicissimus, Gulbransson e Castelao. Grial, revista galega de cultura. Núm. 63. ISBN 84-7154-628-0.
↑ "Olaf G. en Tebeosfera". Consultado o 9-6-2021.

[1] L., Siro (1979). Simplicissimus, Gulbransson e Castelao. Grial, revista galega de cultura. Núm. 63. ISBN 84-7154-628-0.

[2] "Olaf G. en Tebeosfera". Consultado o 9-6-2021.

[1]

[2]